Արտակարգ իրավիճակ Վայոց Ձորի մարզում. անտառները կրակի են մատնվել. Shamshyan.com

Արտակարգ իրավիճակ Վայոց Ձորի մարզում. Արտավան գյուղի անտառները կրակի են մատնվել. հրշեջներն ու քաղաքացիները կյանքի գնով պայքարում են կրակի դեմ. ՖՈՏՈՌԵՊՈՐՏԱԺ

Արդեն 2 ժամ է՝ Արտակարգ իրավիճակների նախարարության փրկարար ծառայության Վայոց Ձորի մարզային փրկարարական վարչության և նույն վարչության Վայքի հրշեջ-փրկարարները քաղաքացիների , հիմնականում՝ Վայքի և Արտավան գյուղի բնակիչներով՝ Արտավանի գյուղապետ Սիմոն Բաբայանի գլխավորությամբ, չեն կարողանում մարել Արտավան գյուղի հարևանությամբ գտնվող եղևնիների անտառում առաջացած խոշոր հրդեհը: Ինչպես Վայոց Ձորի մարզից հայտնում է ֆոտոլրագրող Գագիկ Շամշյանը, կրակը անգամ տեսանելի է 20 կմ հեռավորությունից: Հրշեջները 4 մարտական հաշվարկով պայքարում են կրակի տարածման դեմ, սակայն անզոր են, քանի որ կրակին անգամ մոտենալ չեն կարողանում: **** 22:00 Քիչ առաջ ֆոտոլրագրողը հայտնեց, որ Արտակարգ իրավիճակների նախարար Դավիթ Տոնոյանի հանձնարարությամբ հրդեհի վայր է ժամանում Հայաստանի փրկարար ծառայության տնօրեն Մուշեղ Ղազարյանը, օպերատիրվ խմբեր, մի քանի մարտական հաշվարկներ: Արդեն հրդեհի վայր են ժամանել ԱԻՆ ՓԾ ճգնաժամային կառավարման ազգային կենտրոնի օպերատիվ խումբը՝ կենտրոնի պետ Հովհաննես Խանգելդյանի գլխավորությամբ: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: