«Միսս Արմենիայի» հաղթող ճանաչվեց Լիլի Սարգսյանը

Րոպեներ առաջ ավարտվեց «Միսս Արմենիա» մրցույթը, որի շրջանակում 17-26 տարեկան չամուսնացած աղջիկները պայքարեցին հաղթողի տիտղոսին արժանանալու համար։ Ժյուրիի կազմը մինչև վերջին պահը գաղտնի էր պահվում։

Ժյուրիի նախագահը Գոհար Հարությունյանն էր։ Ժյուրիի կազմում ընդգրկված են Լուսինե Թովմասյանը, Գևորգ Շադոյանը, Գոռ Հարոյանը, Իրինա Վարդանյանը և այլք։ Ժյուրիի գնահատականների հանրագումարով մրցույթի հաղթող ճանաչվեց Լիլի Սարգսյանը։

«Վիցե Միսս Արմենիա» 4-րդ տեղը գրավեց Արմինե Մանուկյանը, «Վիցե Միսս Արմենիա» 3-րդ տեղում է Թերեզա Մարտիրոսյանը, «Վիցե Միսս Արմենիա» 2-րդ տեղում է Արփինե Հարությունյանը։ 1-ին «Վիցե Միսս Արմենիան» Անահիտ Իսահանովան է։

«Հանդիսատեսի համակրանք» անվանակարգում հանրության քվեարկությամբ հաղթող ճանաչվեց Էդուարդա Բաղդասարյանը՝ Գյումրուց։ Նա որոշեց քվեարկության արդյունքում գոյացած գումարն ուղղել Գյումրու անապահով ընտանիքներին։

«Միսս Սփյուռք» ճանաչվեց Սինիտա Տաբուջյանը, որը ժամանել է Լիբանանից։ «Միսս տաղանդ» ճանաչվեց Թերեզա Մարտիրոսյանը, որն առաջին մասնագիտությամբ երգչուհի է։

Հաղթող մասնակիցը Հայաստանը կներկայացնի «Միսս աշխարհ» հեղինակավոր մրցույթին։

«Միսս Արմենիայի» հաղթող ճանաչվեց Լիլի Սարգսյանը

«Միսս Արմենիայի» հաղթող ճանաչվեց Լիլի Սարգսյանը

«Միսս Արմենիայի» հաղթող ճանաչվեց Լիլի Սարգսյանը

«Միսս Արմենիայի» հաղթող ճանաչվեց Լիլի Սարգսյանը

«Միսս Արմենիայի» հաղթող ճանաչվեց Լիլի Սարգսյանը